Tá an Cumann suite i bParóiste Baile Mhúirne i nGleann an tSúláin, ar mhór bhóthar Mhaigh Chromtha – Cill Áirne, ar an taobh thoir den dteorainn. Tá dhá pháirc imeartha – Páirc Naomh Abán agus ceann nua, Páirc an Choláiste idir an dá chuid den sráidbhaile. Bogach a bhí sa chéad pháirc – an Portach Rua – ach le cabhair áitúil triomaíodh an talamh, leagadh amach faiche breá féarmhar, le seomraí feistis agus falla. Ar an 25ú Feabhra 1979 ag an oscailt oifigiúil nocht Conchúr Ó Murchú, Uachtaráin C.L.G. leacht; Páirc Abán, i gcuimhne Chonchúir Uí Luasa. D’imir Ciarraí agus Corcaigh i gcluiche dúbhshláin. Tá páirc nua ag an Cumann suite in aice le Colaiste Íosagaín - Páirc an Choláiste, áit a bhfuil forbairt mór déanta ó 2007 ar aghaidh.

Ceanntar Gaeltachta an ceanntar agus tá cáil air sa cheol, sa litríocht, agus san amhránaíocht. Cabhraíonn an club leis an dtraidisiún sin a choimead agus bíonn baill páirteach ins na gnéithe éagsula.

Tá gaisce deanta ag go leoir imreoirí Naomh Abán leis na blianta. Tá bonn Sigerson ag Mícheal Ó Scanaill agus Donal Óg Ó Liatháin. Tá buinn Comórtais an Bhóthair Iarainn agus Craobh Sinsir Mumhan, ag Ó Scanaill chomh maith. Ta bonn sraithe ag Jerry Ó Loingsigh. Tá buinn Mionúir Fé-21 agus Soisir Uile Éireann buaite ag a lán imreorí. Tá buinn uile Éireann mionúir buaite ag Diarmaid Mac Cárthaigh agus a mhac Jonathan.

Bhuaigh Antaine Ó Loingsigh bonn sinsir uile – Éireann i 2010. D’imir Antaine agus Micheál Ó Croinín le cheile i Cluiche Cheannais na hÉireann i 1999. Chaith an bheirt acu an cuid is mo do no blianta ina dhiadh son í ngeansaí an Chontae. Bhain Antaine an ghradam “All-Star” amach ar dhá ócáid, is d’imir sé leis an foireann Idirnáisiúnta in aghaidh an Ástráil.

In iomlán, d’imir na daoine seo ar fhoirne Chorcaí:

Tadhg Ó Tuathaigh, Dónal J Ó Loingsigh ins na fichidí, Gearóid Ó Laoire ins na dachaidí. Ba ins na seascaidí a thosnaigh a lán imreoirí dá bpiocadh don Chontae. Sinsir: Diarmuid (Jerry) Ó Luasa, Diarmaid Mac Carthaigh, Mícheál Ó Scanaill, Diarmuid Ó Loingsigh, Mícheál Ó Críodáin, Jonathan Mac Carthaigh, Antaine Ó Loingsigh, Tadhg Ó Murchú, Mícheál Ó Croinín.

Mionúir: Seán Ó hAlmhain, Jerry Ó Loingsigh, Antaine Ó Loingsigh, Diarmaid Mac Carthaigh, Jonathan Mac Carthaigh, Micheál Ó Scanaill, Séan Ó Mulláin, Tadhg Ó Murchú, Peadar Ó hEalaithe, Dónal Ó Croinín, Micheál Ó Croinín, Mícheál Ó Tuama.

Fé21: Diarmuid Ó Luasa, Diarmaid Mac Carthaigh, Antaine Ó Loingsigh, Jonathan Mac Carthaigh, Micheál Ó Criodáin, Micheál Ó Scanaill, Tadhg Ó Murchú, Jerry Ó Loingsigh, Donal Ó hEalaithe, Peadar Ó hEalaithe, Séan Ó hAlmhain, Liam Ó Fuaráin, Liam Mac an Mhaoir, Donal Ó Croinín, Micheál Ó Croinín, Colmáin Ó Tuama, Micheal Ó Laoire.